21 February 2015
02:21 - Ҳамма нарса “Ҳаракат” айтгандек бўлди, Нью-Йорк фондлар биржасида яна тарихий рекорд қўйилди
Нью-Йорк фондлар биржасида аввалиги ҳафтада бўлган жараёнларни 14 февралдаги хабаримизда баҳолар экан, биржанинг асосий кўрсатгичи бўлмиш Dow Jones ўсиб бораётгани ва ўтган йилнинг охирида ўрнатилган рекорд келаётган ҳафтада урилиши мумкинлигини башорат қилгандик. Айнан шундай бўлди, жорийдаги ҳафтаниннг биринчи тўрт куни унча катта бўлмаса ҳам, ҳар ҳолда зиг-загли ортиб борган Dow Jones индекси, кеча, яъни ҳафтанинг охирги иш куни 155 га юксалди ва биржа бекилганда 18140 да тўхтади. Dow Jones орада 18144 га чиқиб тушди.Шундай қилиб, ўтган йилнинг охирги кунларида ўрнатилган рекорд урилди. Энди рекорд 18144 га тенг.

Reuters агентлигини экспертлари кечаги ўсишнинг сабаби сифатида Юнонистон билан еврозона мамлакатлари бу мамлакатнинг қарзи ва унга ёрдам беравериш масаласида компримисли келишувга борганларини кўрсатмоқдалар. Бу воқеа ҳам Нью-Йорк фондлар биржасига ижобий таъсир қилгани тўғри, аммо асосий сабаб, Нью-Йорк фондлар биржаси каби “катта системаларда” бундай чиқиб-тушишлар бўлиб туриши табиийлигидадир.

Ҳозир эса, аввалари ҳам айтган бир фикримизни яна қайтарамиз.

АҚШда ишлаётган ўзбеклар ҳам, бошқа мамлакатларда яшаётган ўзбеклар ҳам, фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар чет элларда ҳам ош ейиш ва Ўзбекистонга пул юборишдан ташқари, ишлаётган мамлакатларида пул йиғиб, кичкина бўлса ҳам ўз бизнесларини очиш устида ўйласалар, фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, бутун дунёни мардикорлар билан тўлатиб юраверамиз.
« Олдинги хабар Хабарлар рўйхати Кейинги хабар »