20 February 2015
07:21 - Тошкентда умумшаҳар диктанти ўтказилади
Шу йилнинг 21 февраль куни Тошкентда умамшаҳар диктанти тадбири ўтказилади, деб ёзмоқда poytaxt.uz интернет нашри. Тадбир Халқаро она тили куни муносабати билан Тошкент шаҳар Маънавият тарғибот маркази томонидан ташкил этилмоқда. Мазкур лойиҳа пойтахтимизнинг кўп миллатли аҳолисига она тилидан тўғри фойдаланишга ёрдам бериш, диктант орқали тилни ўзлаштириш даражасини аниқлаш, хат ва ҳужжатларни саводли тайёрлаш маданиятини ривожлантиришга йўналтирилган.

Унда барча ташкилот ва муассасалар, олий ўқув юртлари талабалари, академик лицей ўқувчилари ва касб-ҳунар коллежлари, умумтаълим мактаблари, миллий маданий марказлар вакиллари иштирок этиши мўлжалланган. Диктант барча учун ихтиёрий ва ҳар қандай текширувдан холи тарзда ўтказилади. Диктант ёзганларга ўзлари қилган хатоларни текшириб олишлари учун матнларнинг тўғри вариантлари сайт орқали тақдим қилинади.

Ташаббус яхши, аммо уни она тилини билмайдиган, диктант ёзиш тугул тўртта жумлани келиштириб гапира олмайдиган ҳукумат раҳбарлари ўртасида ўтказиш фойдалироқ бўларди, дейди мухбиримиз.
« Олдинги хабар Хабарлар рўйхати Кейинги хабар »