10 February 2015
09:22 - Обама ва Маркел Вашингтонда Минскга тайёрланмоқдалар
Маълумки, 11 фералда Минскда “Нормандия тўртлиги”нинг саммити бўлади. Франция, Германия, Россия ва Украина раҳбарлари Франсуа Олланд, Ангела Маркел, Владимир Путин ва Петр Порошенко Украина жанубидага кризисни ҳал қилиш, тўғрироғи, феълан Украина-Россия урушини тўхтатиш масаласини муҳокама қиладилар.

Бундай учрашувлар АҚШнинг иштирокисиз бўлаётгани мантиқсизликдек кўринади. Аслида, АҚШ у ердаги асосий ўйинчидир. Бир неча йил аввал иккинчи ўйинчи Россия ҳисобланган бўларди. Бугун ундай эмас. Ҳозир иккинчи ўрин Германияга ўтди.

Германия канцлери Ангела Маркелнинг кеча Вашингтонга келиб, Барак Обама билан учрашиши – ўйинчилар тақсимоти худди биз айтаётгандек эканлигининг яна бир исботидир, холос.

Учрашувдан кейин Обама ва Маркел ўтказган матуот конференциясидаги гаплар – учрашувдаги муҳокамаларни ўзида акс эттирди дейиш ўта соддалик бўларди. Таҳлилчиларнинг айтишича, АҚШ ва Германия ўрасида Украина масласи бўйича катта фарқ бор эмиш. Германия Украинага қурол беришга қарши эмиш, АҚШ сал кам рози эмиш.

Қурол бериш ҳам иккинчи даражали масала. Биринчи масала, тўғрироғи, асосий мақсад - Россияни тиз чўктириш. Бу масалада уларнинг тили бир. Қурол бериш масласида фарқ бўлса ҳам, у тезда битади. Ҳамма нарса битта йўналишда кетмоқда – яқинда Ғарб Украинани керакли ҳамма қуролни беради. Тўғри, ўшанда ҳам Путин Каддафининг ҳолига тушиб, биронта ғорга кириб бекинволишгача етиб бормайди, лекин, унинг ҳолига маймунлар йиғлаши шубҳасиз.

Бундай шароитда руслар ядровий уруш бошлашга ҳам боришлари мумкин. Обама ва Маркел шу ҳақда гаплашишган, шу масалада ечим излашмоқда. Улар қандай ечим йўллари топишгани, табиий, уларнинг сири. Аммо, аслида, ечим Ўзбекистонда. Агарда Ўзбекистон Украинани очиқча қўллаб-қувватлаш йўлига ўтса, бутун Марказий Осиё шу йўлга ўтади, Озорбайжон қўшилади, Туркия ҳам ҳозирги иккиюзламачилик сиёсатидан воз кечади. Путин қочишга ғор қидириб қолади.

Совет замонида шундай ашула бор эди:

Эй, гўзал бўстон,
Украина ва Ўзбекистон!
« Олдинги хабар Хабарлар рўйхати Кейинги хабар »