10 February 2015
01:26 - ИШИД гўёки сеҳргарлик қилган 60 ёшли одамнинг калласини болта билан кесиб ташлади, Ислом дини ислоҳатларга муҳтож
Ислом терроризмининг рамзига айланган ИШИД мусулмонларнинг обрўсини бир пул қиладиган ишларини давом эттирмоқда. Тўғрироғи, ўз ўлимидан олдин қўлидан келганча кўпроқ одамни гўёки шариат қонунларига кўра, ваҳшийларча ўлдириб қолмоқчи.

Маълумки, сўнги ойларда бу қотиллар ўзларига қўшилмаган ёки ўзларига қарши бўлганларни чормихладилар, бошларини пичоқ билан кесиб ташладилар, тошбўрон қилдилар, тирклайин ёқдилар, футбол тамоша қилган ёшлардан 15 нафарини эса отиб ташладилар ва ҳоказолар.

Кеча ИШИД ўз ваҳшийлигининг навбатагисини намойиш қилди. Суриянинг шимолидаги Ракка шаҳрида гўёки сеҳргарлик билан шуғулланган 60 ёшли эркак кишининг боши кундага қўйилиб, болта билан танидан жудо қилинди. Расмдаги бош кесишни қизиқиб тамоша қилаётган мусулмонларга қаранг.

Бу каби ваҳшийликларга Ислом дунёси кераклиги тепкисини кўрсатмаётгани, Ислом уламолари номигагина ИШИДчиларни қорлаб қўяётгани фақат шармандалик эмас, Ислом динининг оёғидан уришдир.

Хўш, бундай шароитда нима қилиш керак деган савол устида “Бирлик” Партияси ва “Ҳаракат” Агентлигидан бошқа ҳеч ким ўйламаётгани эса, Ислом дини ўлимга кетаётганининг кўрсатгичидир. Исломни ўлимдан сақлаб қолишнинг ягона йўли – динда чуқур ислоҳотлар ўтказиш, Исломнинг ўзи дунёвийлик/секуляризм принципини қабул қилишига, бу диннинг ягона фарзи Имон эканлигини тан олишига эришишдир.
« Олдинги хабар Хабарлар рўйхати Кейинги хабар »