Бугун Ўзбекистон Республикаси Олий Судининг матбуот хизмати 2014 йилда мамлакатда 211 миллиард сўмлик моддий зарарни қоплаган 3,5 минг нафар шахс (уларнинг қарийб 90 фоизи амалдорлар) жиноий жавобгарликдан озод қилингани ҳақида хабар қилди. Шунингдек, яраштириш институтини самарали қўллаш натижасида 12 минг киши жиноий жавобгарликдан озод қилинган.

“Ўтган йилда айрим жиноят турлари, жумладан, қасддан оғир ва ўрта оғир тан жароҳатларини етказиш, растрата ёки талон-тарож қилиш йўли орқали ўзлаштириш, ҳаракат хавфсизлиги ёки транспорт воситаларини эксплуатация қилиш қоидаларини бузиш, безорилик каби жиноят турлари бўйича судланиш кўрсаткичлари камайган” дейилади матбуот хизмати хабарида.

Ўтган йилда фуқаролик ишлари бўйича судлар томонидан 217 мингдан ортиқ ишлар кўриб чиқилибди. Агар бу рақамлар таҳлил этилса, мамлакатда ҳар бир судья бир кунда 3-4 тадан ишни кўриб чиққани маълум бўлади. Ҳолбуки, судьянинг бир кунда бунча ишни кўриш, уни одилона ҳал этиш имконияти йўқ, дейди мухбиримиз. Демак, Олий Суднинг мақтаниш учун очиқлаётган рақамлари ўзининг зарарига.

Қолавреса, жаҳаоннинг диктаторлик жиҳати билан “ёмонларнинг ёмони” рўйхатига кирган Ўзбекистондек давлатда судлар коррупцияга қарши курашда ҳеч қандай роль ўйнамайдилар, ўйнай олмайдилар ҳам, чунки, уларнинг ўзи порахўрлик ботқоғига чўкмоқда. Коррупцияга қарши энг самарали қурол – демократия ва унинг асосий сифатларидан бири ошкораликдир.

Буни Ўзбекистонда фақат "Бирлик" Партияси, "Ҳаракат" Агентлиги ва "Эзгулик" Жамияти тушунади. Аҳволни тузатишда ҳам фақат улардан умид бор.