09 February 2015
06:43 - Қизиқ: НАТО Украинага қурол бермаса ҳам, унинг ҳар бир аъзоси ўзича бериши мумкин
7 январдаги хабаримизда Москвада учрашган Россия ва Франция президентлари Путин ва Олланд ҳамда Германия канцлери Маркел келаётган якшанба куни, яъни 8 январда ўз мамлакатларидан туриб, телеконференция форматида учрашмоқчи эканлари, “Нормандия тўртлиги”га кирувчи Франсуа Олланд, Ангела Маркел, Владимир Путин ва Петр Порошенко эса, 8 январда телефон орқали учрашув ўтказишлари айтилганди.

Кеча Путин, Олланд ва Маркел телеконференция ўтказгани ҳақида ҳач қандай хабар бўлмади. Аммо, Нормандия тўртлиги телефон орқали учрашув ўтказибди. Бу ҳақда Reuters агентлиги хабар тарқатди. Кўриншидан бу тўртлик ҳеч қандай келишув қилолмаган ва 11 февралда Белорусия пойтахти Минскда учрашишга қарор қилган. Минскда ҳам бирон нарса бўлишига ишониш мумкин эмас.

Афтидан, Украина-Россия уруши кучайиб бораверади. Уруш деганда ўрта асрлардаги қуролли урушларни тушунсак, ҳеч шубҳасиз, Россия аллақачон ғалаба қозонган бўларди. Аммо, бугун “уруш” жуда ҳам кенг маъноли тушунча, бутунлай бошқача нарса. Бундай урушни Россия ютолмайди.

Шундай бўлса ҳам, қуролли уруш ҳам аҳамиятини йўқотгани йўқ. Украина уруш учун АҚШдан ва умуман НАТОдан замонавий қуроллар истамоқда. Ҳозирча АҚШ ва ЕИ бунга рози бўлмаяпти. Аммо, бу узоққа боролмайдиган жараён. Улар рози бўлишга маҳкумлар.

Немисларнинг Deutsche Welle газетаси хабар беришича, кеча НАТО Бош котиби, Норвегиянинг собиқ Бош вазири Йенс Столтенберг бу хусусда шундай дебди: “Украинага қурол бериш ҳақида НАТОнинг ҳар бир аъзоси ўзи қарор бериши керак”. Яъни НАТО Украинага қурол бермаса ҳам унинг аъзолари қурол бериши мумкин. Куласизми, йиғлайсизми? Ишлар айнан шу йўналишда давом этишига ҳеч қандай шубҳа йўқ.
« Олдинги хабар Хабарлар рўйхати Кейинги хабар »