“Ўзбекистон темир йўллари” ширкати раҳбари Шерзод Исматуллаевга кўра, президент Ислом Карим ташаббуси билан бошланган “Ангрен-Поп” темир йўл линияси қурилиши лойиҳаси 2016 йил апрелида якунига етади. Қиймати 1,2 миллиард АҚШ долларига тенг бўлган “Ангрен-Поп” темир йўли қурилиш лойиҳаси жадаллик билан амалга оширилмоқда, ҳозиргача маблағнинг қарийб ярми ўзлаштирилган.

Президент Ислорм Каримга кўра, мамлакат ичидан ўтувчи бу темир йўл қўшни Тожикистон ва бошқа мамлактлардан транзитга эҳтиёж қолдирмас эмиш. Шунингдек, мазкур темир йўл линияси Фарғона водийсини Ўзбекистоннинг бошқа ҳудудлари билан боғлаб, бутун республика бўйлаб ягона темирйўл транспорт тизимини шакллантиришнинг сўнгги босқичи бўлармиш.

Аммо, дейди мухбиримиз, Фарғoна водийсидек муҳим минтақа мамлакатнинг бошқа қисми билан фақат дoвон орқали боғланиши - стратегик нуқтаи назардан мутлақо қабул қилиб бўлмайдиган нарса. Руслар Марказий Осиёда асосий куч бўлган ўзбекларни оғир аҳволда қолдириш учун чегараларни атайлаб шу шаклда чизиб беришган. Улар ўзгартирилиши керак, бошқача бўлиши ҳам мумкин эмас.