15 January 2015
20:28 - Сайлов спектаклининг иккинчи пардаси: Кетмонов гўё Каримовга рақиб
Бугун Ўзбекистон Ишбилармонлар ва тадбиркорлар ҳаракати — Либерал демократик партияси мамлакатнинг амалдаги президенти Ислом Каримни президентликка номзод этиб кўрсатди. Шунингдек, куннинг иккинчи ярмида Ўзбекистон Халқ демократик партияси Ҳотамжон Кетмонов деган кишининг номзодини президентликка илгари сурди. Эртага “Миллий тикланиш” ва “Адолат” партиялари ҳам навбатдаги президентлик сйловларига ўз номзодларини йўллашади.

Сайлов спектакли кутилган сценарий асосида ривожланмоқда. Ислом Карим бу йилги сайловда ҳам гўё демократик принципларга мос муқобил асосда ўз курсисини сақлаб қолади. Икки ҳафтадан сўнг 77 ёшини нишонлайдиган бу одам ўзбекнинг тақдирига битилган кўргулик экани энди аён бўлиб қолди, дейди мухбиримиз.

Таништириб ўтамиз, саҳнага чиққан янги қўғирчоқ Кетмонов аввал Андижон вилояти ҳокимининг диний ва жамоатчилик ташкилотлар билан алоқа қилиш масалалари бўйича муовини лавозимида ишлаган. Кейин Партияга келиб қолди ва унинг бошига "бахт қуши" қўнди.
« Олдинги хабар Хабарлар рўйхати Кейинги хабар »