12 January 2015
20:24 - Қозоғистонга бормоқчи бўлган Ўзбекистон фуқаросининг биометрик паспорти бўлиши керак
Қозоғистон Республикаси Парламентининг юқори палатаси бўлмиш Сенат Ўзбекистон Республикаси ва Қозоғистон Республикаси фуқароларининг ўзаро борди-келдисига оид шартларни тартибга солиш борасидаги Протоколни тасдиқлади. 2016 йилнинг бошидан кучга кирадиган янги тартибда Ўзбекистонга келадиган Қозоғистон фуқаролари учун ҳеч нарса ўзгармаган. Қозоғистонга борадиган ёки унинг ҳудудларидан ўтадиган Ўзбекистон фуқаролари учун эса ўзгаришлар бор.

Энди Қозоғистонга бормоқчи бўлган ёки транзит орқали бу мамлакатдан ўтмоқчи бўлган Ўзбекистон фуқароси биометрик паспорга эга бўлиши керак. Дипломатлар ҳам биометрик паспорт билангина Қозоғистонга кироладилар.

Бундан ташқари, балоғатга етмаган Ўзбекистон фуқароларига тегишли ўзгариш ҳам бор. Ҳозир уларнинг фоторасми ота ёки онасининг паспортига ёпиштирилган бўлиши етарли эди. 2016 йилдан бошлаб, улар ота-оналари билан чегарадан ўтаётганда ҳам гувоҳномалари қўлларида бўлиши керак.
« Олдинги хабар Хабарлар рўйхати Кейинги хабар »