Маълумки, 15 январь куни Остонада Донбассдаги низоларга барҳам бериш бўйича «норманд формати»да контакт гуруҳи учрашуви бўлиб ўтади ва унда Украина президенти Пётр Порошенко, Германия канцлери Ангела Меркель, Франция президенти Франсуа Олланд иштирок этади. Мазкур учрашувда қатнашиши кутилаётган яна бир президент, яъни Владимир Путиннинг иштироки эса аниқ эмас. Бунинг устига, Олланд ҳам Парижда бўлган қонли воқеалар туфайли келолмаслиги мумкин.

Россия президенти Владимир Путиннинг матбуот котиби Дмитрий Песков эса: «Агар 15 январдаги учрашувга тайёргарлик ишлари амалий босқичга ўтса, президент Путиннинг унда қатнашиши ҳақида тегишли баёнотни берамиз; ҳозирча эса эксперт даражасида тайёргарлик ишлари олиб борилмоқда, бизнинг кейинги хатти-ҳаракатларимиз унинг натижаларига боғлиқ», - деган.