07 January 2015
22:55 - Ўзбекистон Марказий Сайлов Комиссияси: “Президентлик сайлови кампанияси қизғин паллага кирди!”
Бугун Ўзбекистон Республикаси Марказий сайлов комиссияси раиси Мирзо Улуғбек Абдусаломов мажлис ўтказиб, мамлакатда президентлик сайловининг қизғин паллага киргани, комиссия округларга тартиб бергани ва номзодларнинг рўйхатга олиниши кутилаётгани хусусида баёнот берди. Комиссия сайтига кўра, мажлисда “Ўзбекистон Республикаси Президенти сайлови тўғрисида”ги Қонуннинг 9 ва 14-моддаларига мувофиқ Ўзбекистон Республикаси Президенти сайлови бўйича сайлов округлари тузиш тўғрисида қарор қабул қилинди.

Марказий Сайлов Комиссияси Ўзбекистон Республикаси Президенти сайловини ўтказувчи сайлов округларини Қорақалпоғистон Республикаси, вилоятлар ва Тошкент шаҳри чегаралари доирасида тузиш ҳақида қарор қабул қилди.

Шунингдек, Ўзбекистон Республикаси Президенти сайловига тайёргарлик кўриш ва уни ўтказиш билан боғлиқ бошқа масалалар ҳам муҳокама қилинди, дейилади сайтда. Бу одам ТВдаги чиқишларида ўзини гўё мамлакатда муҳим сиёсий жараёнлар бошланаётгани каби тутмоқда. Актёрлик маҳоратининг қирраларини намоён этаётган бу одамга қраб, ҳақиқатан ҳам мамлакатда президентлик сайлови бўладими, деган фикрга бориб қоласан киши....
« Олдинги хабар Хабарлар рўйхати Кейинги хабар »