23 December 2014
19:23 - Россияда меҳнат муҳожирлари ғалаён кўтарди, улар орасида ўзбеклар борми?
Бугун бир қатор ўрис нашрлари Санкт-Петербургда меҳнат муҳожирлари иш берувчиларидан иш ҳақларини кўпайтиришни талаб қилиб, намойиш ўтказа бошлагани ҳақида хабарлар тарқатди. Намойишчилар ойилик маошлари оширилмаган тақдирда иш ташлаш билан пўписа қилмоқда.Уларнинг кўпчилиги қурувчилар, темир йўл ходимлари ва йўналишдаги такси ҳайдовчиларидир. Улар хизмат қилаётган корхона хўжайинлари рубль инфляциясини инобатга олишмаётган экан.

Йўловчи ташувчилар ассоциацияси раиси Василий Киселевнинг айтишича, йўналишдаги такси ҳайдовчиларининг иш ҳақи меҳнат шартномаларида акс этган ва форс-мажор бўлмаган ҳолатда шартноманинг қайта кўриб чиқилмайди.

Тахмин қилиш мумкинки, рубль инқирозидан энг кўп зарар кўраётган ўзбекистонлик меҳнат муҳожирлари бундай акцияларга чиқишмаган ва чиқишмайди ҳам. Чунки, ўзбеклар ўзининг эртанги кунини ўйлаш ва эртанги куни учун курашиш деган нарсани ҳам билмайдилар. Билсалар эди, Ўзбекистонда аҳволни ўзгартириб, ўз ватанларида ишлаб, туппа-тузук яшаган бўлардилар. Қолаверса, ҳамма нарсани тўғри тушунаётган, Ўзбекистоннинг келажаги учун йўл кўрсатаётган “Бирлик” Партиясини атрофида бирлашардилар.
« Олдинги хабар Хабарлар рўйхати Кейинги хабар »