23 December 2014
20:47 - Ўзбекистон МХХсини таназзул ва инқироздан кўра учувчисиз жисм кўпроқ ташвишлантирмоқда
Шу йилнинг 16 декабрида Фарғона вилоятининг Қирғизистон ичидаги анклав - Сўх тумани устида номаълум учувчисиз учоқ учгани кузатилгани ҳақида 20 декабрда хабар берган эдик. Ўзбекистон Республикаси Миллий Хавфсизлик Хизматининг Давлат чегараларини муҳофаза қилиш қўмитаси ахборот хизматига асосланиб берилган хабаримизда 2014 йилнинг 16 декабрь куни кундузги соат 11:15 да Қирғизистоннинг Боткен вилояти томонидан оқ рангли учувчисиз аппарат ноқонуний равишда Ўзбекистон ҳудудига учиб ўтган ва 250 метр баландликда ичкарига 7,5 километр кириб, соат 12:15 да Қирғизистон ҳудудига қайтиб кетганлиги айтилган эди.

Қирғизстон Давлат чегара хизмати эса қирғиз-ўзбек чегарасида бундай воқеа юз берганини рад қилмоқда. Аммо бу ҳодисани кўпчилик сўхликларнинг ҳам кўришганини инобатга олсак, қирғизларнинг уйдирмаси ҳақиқатдан узоқ эканлиги ўз-ўзидан маълум.

Аслида, дейди мухбиримиз, Ўзбекистон чегарачиларининг кучи бўлса эди, ўша учучвчисиз учоқни ўша куниёқ уриб туширган бўлардилар. Аммо, бу масалага кенгроқ қараш ҳам фойдалидир. Ўзбекистон давлат сифатини йўқотмоқда, ўзбеклар мардикорлар миллатига айланмоқда, коррупция ва таназзул сингари муҳим ички муаммолар бор олдимизда. МХХнинг вазифаси шундай муаммолар билан шуғулланишдир, чунки, айнан шу муаммолар миллий хавфсизлигимизга таҳдид солмоқда. Буларга кўз юмиш - жиноятдир.
« Олдинги хабар Хабарлар рўйхати Кейинги хабар »