“Ўзбекистон телерадиокомпаниясининг “Тошкент” телеканалида Қорақалпоғистон Республикасининг номи хато кўринишда берилди” деб ёзмоқда барча маҳаллий нашрлар. Маълум бўлишича, об-ҳаво маълумотлари эълон қилинаётган пайтда “Қорақалпоғистон Республикаси” номи “Қорақалпоғистон вилояти” деб ёзилган. Ана шу телелавҳанинг скриншотини олиб, телеканални танқид қилаётган матбуот хабарларини ўқиётган содда одамлар “бизда ҳам матбуотнинг тиши чиқибди”, деб ўйлаши мумкин.

Қаранг, “Бизнинг телевидениемизда қандай “саводли” одамлар ишлайди?! Қорақалпоғистн Республикаси қачондан вилоят бўлди?” дея бонг урмоқда матбуотчиларимиз. Уларнинг эслатишича, Ўзбекистон Конституциясининг 70-моддасига асосан, суверен Қорақалпоғистон Республикаси Ўзбекистон таркибига киради ва унинг суверенитети Ўзбекистон томонидан муҳофаза қилинаркан. Ана журъат-у, мана мардлик!

Биз бу воқеага бошқача баҳо берамиз, дейди мухбиримиз: Оддий бир хато атрофида жанжал кўтариш учун Ўзбекистон матбуотчилари каби ғирт аҳмоқ бўлиш керак.