23 December 2014
18:13 - Қўғирчоқ партиялардан бири тилга кирди, лекин ҳали ҳам унинг тилини тушуниш қийин
Кеча журналистлар учун матбуот конференцияси ўтказган “Адолат” социал-демократик партияси раҳбарияти 2014 йилги парламент сайловлари давомида “баъзи партиялар” томонидан тартиб-қоидалар бузилганини таъкидлади. Партия раҳбари Наримон Умаров, ўз партияси ва унинг номзодлари томонидан баъзи партияларга ўхшаб сайловолди ташвиқоти давомида ўрнатилган тартиб-қоидалар бузилмади, деди. Аммо бундай “танқид”га журъат этган Умаров гап айнан қайси партиялар ҳақида кетаётганини айтишдан қўрқди.

“Адолат”чилар таъкидича, шунинг учун ҳам Олий Мажлис Қонунчилик палатаси учун 21 декабрь куни ўтказилган сайловда “Адолат” энг кам – 17 нафар депутатлик ўрнини эгаллаган эмиш. Мавжуд режимнинг ўзи қўғирчоқ партиялар ўртасидаги ўзаро танқид борлигини кўрсатиш учун шундай ўйин бошлаганига ҳеч қандай шубҳа йўқ.
« Олдинги хабар Хабарлар рўйхати Кейинги хабар »