Google Translate тизимига ўзбек, қозоқ ва тожик тиллари ҳам киритилди. Онлайн тилмоч ёрдамида энди ўзбеклар ҳам дунёнинг истаган тилларидан электрон маҳсулотларни ўз тилига ўгира олиши мумкин. Бироқ онлайн таржимонимизда жиддий камчиликлар юзага келмоқда.

Хусусан, ўзбек тилидан инглиз ва бошқа тилларга ёки ўзбек тилига таржима қилинган жумлалар тушунарсиз ёки бутунлай бошқа маъно берадиган гаплардан иборат бўлиб қолмоқда. Google маъмурияти эса фойдаланувчиларнинг ўз тузатишлари ва таклифлари ёрдамида унинг сифатини оширишга ҳисса қўшишидан умид қилмоқда.

Таъкидлаш керак, Google Tanslate онлайн таржимонидан компьютер ва мобил мосламаларда фойдаланиш мумкин. Ҳозирда Google Translate тизимида 90дан ортиқ тилга таржима қилиш имкони бор.