06 December 2014
02:38 - Нью-Йорк фондлар биржаси тарихий рекордлар уриш билан овора
Биржанинг асосий кўрсатгичи Dow Jones индекси 7 ҳафтадан бери узлуксиз ортиб бораётганини урғулаган Reuters агентлигининг экспертлари бунинг сабаби сифатида АҚШда янги иш ерларининг сони ортиб бораётгани, ишсизлик даражаси сўнгги 6 йилнинг минимуми бўлган 5,8% да барқарор турганини айтмоқдалар.

Кеча, яъни жорийдаги ҳафтанинг охирги иш кунида Dow Jones индекси яна бир тарихий рекорд ўрнатди – 19991. Куннинг охиригача бироз тушиш бўлди ва Dow Jones 17959 да тўхтади.

Dow Jones индексининг тўхтовсиз ортиб бориши, тарихий рекордлар уриши – АҚШ иқтисоди молиявий-иқтисодий кризисдан тўла чиққани, иқтисод юксалаётганининг кўрсатгичидар. Иқтисод юксалганда банклар қарз учун олинадиган фоизнинг ставкасини оширишади. Аммо, АҚШда Марказий Банк ролини ўйнайдиган Федерал Резерв эҳтиёткорлик қилиб, бундай қадамга шошилмаяпти. Аммо, келаси йилнинг бошидаёқ шундай қилса керак.

Ҳозир авваллари ҳам кўп марта такрорлаган фикримизни яна қайтарамиз.

АҚШда ишлаётган ўзбеклар фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар АҚШда ҳам ош ейиш ва Ўзбекистонга пул юборишдан ташқари, бу ерда пул йиғиб, кичкина бўлса ҳам ўз бизнесларини очиш устида ўйласалар фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, Американи ҳам мардикорлар билан тўлатиб юраверамиз.
« Олдинги хабар Хабарлар рўйхати Кейинги хабар »