02 December 2014
08:06 - Афғонистоннинг янги президенти Ашраф Ғани ишчи ташриф билан Озорбайжонга келди. Нимага?
Ишчи ташрифи билан Озорбайжонга келган Афғонистоннинг янги Президенти Ашраф Ғани кеча маҳаллий ҳамкасби Илҳом Алиев билан учрашди. Учрашувда Ашраф Ғанининг президентлик сайловидаги рақиби, ҳозир расмий тилда айтилишича ижрочи ҳокимият раҳбари, аслида феълан Бош вазир вазифасини бажараётган Абдулло Абдуллоҳ ҳам иштирок этди.

Озорбайжонда тарқатилган хабарлар умумий гаплардан иборат бўлиб, Афғонистоннинг энг юқори даражали икки раҳбари нима учун биринчи чет эл саёҳатларини Озорбайжонга қилганлари айтилмайди.

Ҳабарлардаги расмда кўринаётгандек, доимо расмий жойларда афғонларнинг ўта ибтидоий миллий кийимларида пайдо бўладиган Ашраф Ғани Бокуда европача кийинбди, ҳатто галстук тақибди.

Расмда - Абдулло Абдуллоҳ, Ашраф Ғани ва Илҳом Алиев.
« Олдинги хабар Хабарлар рўйхати Кейинги хабар »