01 December 2014
23:13 - Янгийўлда экстремистик “болалар боғчаси” фош этилди
Кеча ”Ўзбекистон” телеканали Тошкент вилоятининг Янгийўл туманида ташкил этилган яширин болалар боғчаси ҳақида кўрсатув намойиш этди. Унга кўра, диний экстремистик оқим фаоллари туман солиқ инспекцияси инспектори Абдували Тўлагановга тегишли уйда яширин болалар боғчаси ташкил этишган ва мактаб ёшигача бўлган қизларни унда ўқитишган. Экстремистик гуруҳ етакчиси тошкентлик отинойи Наргиза Ҳасанова бошчилигидаги гуруҳ қизчаларга диний таълимот бўйича сабоқ бериб, уларни эксремистик ғоялар билан суғорилган адабиётлар асосида ўқитишган.

Мазкур боғча харажатлари байтулмол асосида йиғиладиган маблағлар эвазига қопланиб, боғча бир неча йиллардан бери маҳаллий фуқароларнинг фарзандларини ўқитиб келган.

Жиноят ишлари бўйича Тошкент вилояти суди яширин ташкилот етакчиларини озодликдан маҳрум қилибди. Шунингдек, болалар боғчаси, тўғрироғи, ҳужраси асосчиси Ханифа Мирғаниева ва унинг жиноий шерикларига қидирув эълон қилган. Уларнинг ҳозирда Туркия Республикаси ҳудудида экани тахмин қилинмоқда.
« Олдинги хабар Хабарлар рўйхати Кейинги хабар »