01 December 2014
21:29 - Туркия Ғарбга тупириб, Россия билан алоқаларни ривожлантирмоқчи, Путиндан дарҳол совға ҳам келди
Бугун Туркияга 10 та вазирни ҳам ичига олган катта делегация билан келган Россия Президенти Владимир Путин Туркия Президенти Ражаб Эрдўғон билан аввал яккама-якка, сўнгра кенгайтирилган форматда музокалар олиб борди. Сўнгра, икки лидер матбуот конференцияси ўтказдилар. Учрашувлар янг қурилган Президентлик Саройида бўлди.

Туркия ахборот воситаларининг хабарига кўра, президентлар икки мамлакат ўртасидаги савдони ҳозирги $35 миллиарддан 2020 йилгача $100 миллиардга чиқариш жусусида келишганлар. Эрдўғон матбуот конференциясида Путин билан қриматарларининг муаммоларни ҳам тилга олингани, бу масалада келишмовчиликлар ҳам борлини айтиб ўтса ҳам, Россия Қримтатар халқининг миллий лидери Мустафа Жамилўғлини ўз ватани бўлган Қримга киритмаётганини тилга олмади. Шармандалик.

Путин эса, Ғарбга тош отиб ўтишни унутмасдан, Европага газ сотиш учун қурилаётган “Жанубий Оқим” газ қувури лойиҳаси Ғарбнинг айби билан тўхтатилаётгани, аммо Туркияга сотилаётган газнинг нархи 2015 йил 1 январдан 6 фоизга туширилишини, Туркияга газ олиб келадиган яна бир газ қувури қурилишини, Туркияда Россия тарафидан бошқариладиган Атом Электростанцияси қурилишини урғулади.

Газнинг нархи тушар экан, Туркияда Мустафа Жамилўғли билан кимнинг иши бўларди?

Тўғри, Туркияга сотиладиган газ нархининг туширилиши турклар учун яхши хабар, аммо Туркия НАТОнинг аъзоси, Европа Иттифоқига кириш ҳаракатида бўлган ўлка. Бутун Ғарб Украинадаги тажовузкорлиги учун Россияга қарши санкциялар киритаётган бир пайтда, Туркия ўзини Россия билан яқин тутишга ҳаракат қилаётгани – узоқни кўрабилмасликга асосланган сиёсатидир.
« Олдинги хабар Хабарлар рўйхати Кейинги хабар »