01 December 2014
21:43 - Ўзбекистонда ҳар 100 минг кишига 94 нафар ОИТСга чалинган бемор тўғри келади
Бугун Халқаро Одам Иммунитети Танқислиги Синдроми - ОИТС/СПИДга қарши кураш Куни муносабати билан Республика ОИТСга қарши курашиш Маркази Ўзбекистонда бу касалликк чалинаётган беморлар сони сезиларли даражада кўпаяётгани хусусидаги маълумотни ошкор қилди. Ўзбекистон ТВда намойиш этилган кўрсатувда бу ҳақда гапирган Марказ раҳбари касалликнинг меҳнат муҳожирлари ҳисобига ошаётганини айтди.

Аммо “Жаҳон” ахборот агентлиги Ўзбекистонда бундай беморлар сони 27,5 мингдан ошган бўлса ҳам, сўнгги 5-6 йил ичида мамлакатда ОИТСга қарши кураш хизматида салмоқли натижаларга эришилганига эътибор қаратади.

Агентлик ОИТСга қарши курашиш бўйича жуда кўп ишлар қилингани ҳақида баландпарвоз гаплар айтса ҳам, бу соҳадаги ютуқларимизни кўрсатувчи биронта рақам ҳам келтиришни унутиб қолган. Демак, Ташқи ишлар вазирлигининг хабар воситаси бўлган “Жаҳон” агентлиги ёлғон гапирмоқда, ОИТСга қарши курашиш Маркази раҳбарининг беморлар сони ортаётгани ҳақидаги маълумотларига ишониш керак.
« Олдинги хабар Хабарлар рўйхати Кейинги хабар »