Исмини кўрсатмаса ҳам, ўз электрон адресини кўрсатган ўқувчимиздан хат олдик. Электрон адресда “aravan” сўзи ишлатилганидан, у одам Ош вилоятининг Араван туманидан бўлса керак деб тахмин қилмоқдамиз. Аммо, унинг рухсатисиз электрон адресини кўрсатмасликка қарор қилдик.

Ўқувчимизнинг хати: Хурмали "харакат"сайти ходимлари сизлар нега доим бир позицияда гарб томонида туриб фикр юритасизлар узбекистон хакида факат емон хабар езасизлар бу ердаги узгаришлардан одамлар кандай яшаетганидан реал еритмайсиз .Бир маколада узбекистон ахолиси козокистон ахолисидан икки баробар оз дебсиз бунинг тескарисику сизлар узбек мухолифати лекин сизларни хеч ким танимайди ва маколалар одоб ахлок доирасида езилмайди ута купол ва ишонарсиз масалан мени танишларим орасида хеч ким укимайди . сизларни максадларинг узбек миллат килиш эмасдек гуе еки узбекларни куромайдигон бир харакатга ухшаб колмокда.

Дининимизга келсак алхамдуллах динимизда дунеда барча илмларни урганиш буюрилган дуневий диний илмларни. сизларни укиган акли хуши жойида одам динсизлар деб уйлайди ва ишонмайди .

Сизлар бир маколада айтганда хар бир нашр кимнидур кизикчилиги учун ишлайди сизларчи.тожиклар режимини йикитиш керак дейсизлар кани исбот режим тожикларники эканлигига .сиз узбеклар хакида е билмайсизлар е узбек эмассизлар.бу миллат буюк миллат

Dov jones тушиб кутарилмок миллатлар йули хам шундай тушиб кутарилади бу тарихдан маьлум боболаримиз амир темур ,захириддин бобурлар даври албатта кайтади

“Ҳаракат” таҳририятидан: Ҳурматли араванлик ўқувчимиз. Ўзбекларнинг қирғиз фашистлари тарафидан қирғин қилиниши, ҳозир Қирғизистонда ўзбекларни тарихий ерларидан сиқиб чиқариш сиёсати давом эттирилаётгани, жаҳон ўзбеклари миллат сифатини йўқотиб ва ҳамма тешикларини қисиб ўтирганини айнан “Ҳаракат” тилга олаётганини билмаслигингиз мумкин эмас. Қирғизистон режимидан қўрқиб, Сиз бу мавзуни четлаб ўтаётганингизни ҳам тахмин қиламиз. Реал хавфдан қўрқиш ва ўзини эҳтиёт қилиш одамга хос нарса. Аммо, эҳтиётликнинг чегараси ҳам реалликдан келиб чиқиб белгиланиши лозим. Ўзбеклар нафақат подага, қўрқоқлар подасига айланган. Уни бу аҳволдан чиқариш ҳам “Ҳаракат” ўз олдига қўйган вазифалардан бири, балки, ҳозирги босқичда асосийсидир.

Хатингизни 4 бўлимга биз ажратдик. Аслида, унинг ҳар бири бошқа бир мавзу. Демак, тўғри қилдик.

Биринчи. Ўзбекистоннинг аҳолиси Қозоғистондан сал кам икки баравар кўплигини билмайдиган аҳмоқ йўқ ҳозир. Шу сабабли тамомийла механик хато қилиб, бунинг тескарисини ёзиб қўйганимизни гапириб ўтириш ортиқча нарса.

Ўзбекистон ҳақидаги яхши хабарлар ҳаммага маълум. Биз ўта оғир шартлар остида ишлаётганимиз сабабли, уларни қайтариб ўтириш имкониятимиз ҳам йўқ. Қолаверса, даҳшатли уруш кетаётган Африка мамлакатларида ҳам яхши хабарларга асос бўладиган яхши воқеалар бўлиб туришини унутманг. Аммо, умуман олганда, аҳволимизнинг аянчли эканлигини, уларни ва уларнинг сабабларини, бундан ҳам муҳими, аҳволни тузатиш ҳақидаги фикр ва таклифларни ёзиш ўта муҳимдир. Тўғрисини айтса, “ёмон хабар” деган иборангиз хато. Биз ҳақиқатни ёзмоқдамиз, ёмон ёки яхшилиги иккинчи масала. Ҳақиқатдан чекинишимизни кўрсатинг, жуда хурсанд бўламиз. Сизнинг танишларингиз ичида ўз аҳволимизни билишни истамаган, миллий туйғу ва миллий ғурур нималигини билмайдиган қорамоллар кўп бўлиб, бизнинг сайтни ўқишмаётган бўлса, айб ўзларида. Қолаверса, Ўзбекистонда ҳам, Қирғизистонда ҳам сайтимиз очилмайдиган қилиб қўйилган. Балки, шунинг учун ўқишмайди. Аммо, миллатнинг келажагини ўйлайдиганлар, йўлини топиб сайтимизга киришмоқда.

Бизни ўзбекларни кўролмайдиганларга ўхшатишингиз жуда ҳам ажойиб нарса. Мардикорлар миллатига айланиб бормоқдамиз, бундан чиқиш учун йўл қўрсатаётганлар миллатни кўролмаётган эмиш. Эйвоҳ, мана аҳволингиз.

Иккинчи. Осмондан тушдингизми, азиз ўқувчимиз. Дунё ривожланиб, темир йўлларни қўйиб туринг, радио ихтиро этилган пайтда ҳам бизда дунёвий билимларни ўқитадиган биронта мактаб ёки олий ўқув юрти бўлмаган. Динимизда “Илмни ўрганиш ҳар мусулмон аёл ва эркакнинг вазифаси” маъносида бир ибора бор. Аммо, “илм” дейилганда Қуръон ва ҳадислар тушуниларди, наҳотки шуни ҳам билмайсиз. Ислом дунёси ривожланиш даражаси бўйича жаҳонда ҳаммадан орқада эканлигини ҳам билмайсмизми? Бунинг сабаби динимизда хатолар борлиги ва уларни ислоҳот йўли билан тузатиш кераклигини тарихда бирингчи бўлиб “Бирлик” лидери Абдураҳим Пўлат айтишга бошлади. Унинг фикрлари мутлақо тўғри ва унинг таклифлари албатта амалга оширилади. Буни тушунмаётган бўлсангиз, айб ўзингизда. Бизнинг фикрлар хато эканлигини аниқ факт ва аргументлар билан кўрсатиб беролсангиз ёки биронта уламо кўрсатиб беролса, хурсанд бўлардик. Аммо, ҳозир жаҳонда Ислом динининг яхши биладиган биронта уламо йўқ. Шу сабабли аҳволимитз ғариб-ку, азиз аравонлик! Бизни динсизлар деб ўйлайдиганлар бўлса, улар аҳмоқлардир.

Учинчи. Ўз миллатдошлари қирғин қилинганда қисиб ўтирадиган, аммо шу миллатнинг номи билан атладиган давлат дунёда йўқ, бўлиши ҳам мумкин эмас. Ўзбекнинг номи билан айтилаётган Ўзбекистоннинг президенти Ислом Каримнинг миллати тожик эканлигини ҳам ҳисобга олиб, ҳозирги режим тожикларники эканлигига ҳеч қандай шубҳай йўқ. Вақти келгани учун эслатиш керак, Интернетдаги Википедия энциклопедиясининг “тожиклар” номли мақоласининг охирида “Тарих бўйича энг буюк тожикар” рўйхати бор эди. У рўйхатда Ислом Карим ҳам бор эди. Бизнинг сайтимизда бу ҳақда бир неча марта айтилгандан кейин, ўша рўйхат олиб ташланди. Ақмоқ ҳам тушундики, Ислом Карим катта пора бериб, уни олдириб ташлатди.

Тўртинчи. Dov Jones индекси ўзидан-ўзи ҳеч қачон тушиб-чиқиб турмаган, бундан кейин ҳам тушиб-чиқмайди. Ҳар бир тушишнинг сабаби бор, мутахассислар уни ўрганиб, молиявий-иқтисодий аҳаолни тузатиш ва Dov Jones индексини кўтариш учун чоралар кўрадилар. Худди шунга ўхшаб, Сиз айтган “боболаримиз амир темур ,захириддин бобурлар даври” ўз-ўзидан қайтмайди. Авваломбор, ўтмиш хатоларидан сабоқ чиқариш, ҳозирги аҳволимизга, таъбир жоиз бўлса, касаллигимизга диагноз қўйиш ва кейин касалликни тузатиш керак.

Биз ўзбеклар ўтмишни ўрганаяпмизми, хатоларимиздан сабоқ чиқараяпмизми? Йўқ. Нима учун Амир Темур империяси бунчалик тез йўқ бўлди? Бобокалонимизнинг ўзи парчаланишни бошлаб бериб, империясини ўғилларига бўлиб бергани учун эмасми? Дунёда ўз империясини ўзи бўлиб берган бошқа император бўлганми? Қирол Лир ва Амир Темурдан бошқаси демоқчимиз.

Бобурдек улуғ инсонимизни мамлакатдан уриб чиқарган ҳам ўзимиз-ку, ҳурматли дўстимиз. Айнан Бобур тарихда қоладиган, ҳозир ҳам Ҳиндистон номи остида яшаётган империяни қурдику. Қани бизнинг Амир Темур қурган империя? Уни биз тиклаймиз, ўзидан-ўзи тикланиб қолмайди. Ўқинг, ўрганинг! “Ҳаракат” каби манба ўзбеклар учун бошқа йўқ. Бошқа бўлолмайди ҳам. Чунки, буни тушунадиганлар Абдураҳим Пўлат ва “Бирлик” атрофида. Ундан айрилганлар ўз-ўзидан йўқ бўлиб кетаётганини кўзи кўр ҳам кўрмоқда.

Бўшашманг, аравонлик дўстимиз. Ўзбекнинг номи тикланади, Араван Ўзбекистонда бўлади, кейин эса ўзбеклар Туркистонни ҳам тиклайди. Ўзидан-ўзи бўлмайди. “Бирлик” бошчилигида қилинади.