15 November 2014
02:32 - Бу ҳафтада ҳам тарихий рекорд қўйган Dow Jones индкси бироз сокинлашди
Аввалги 2 ҳафта шиддатли ўсиш кўрсатган Нью-Йорк фондлар бозорининг асосий кўрсатгичи Dow Jones индекси жорийдаги ҳафтада яна бир тарихий рекорд қўйишга улгурди ва пайшанба куни 17705 га чиқди. Аммо, у кеча 18 поғанага тушди ва ҳафтанинг охирги иш кунини 17635 билан битирди. Барибир ҳафталик ўсиш 61 бўлди. Бундан олдинги 3 ҳафтадаги ўсишнинг асосий қисми ундан аввалги 1 ой ичида бўлган даҳшатли тушишларни қоплаганини ҳисобга олсак ҳам, Dow Jones индкси АҚШ иқтисоди кризисдан чиқиб, юксалиш босқичига кирганини кўрсатмоқда. Аввалги хабаримиздан маълумки, иқтисоднинг юксалишини кўрсатётган бошқа кўрсатгичлар ҳам бор.

Аҳвол шундай экан, АҚШда 4 ноябрь куни ўтказилган ора сайловларда демократлар мағлубиятга учраганини сабабларидан асосийси - Президент Барак Обамнинг рейтинги паст эканлиги бўлгани жуда қизиқ нарсадир.

Балки, америкаликлар иқтисоднинг бундан ҳам тезроқ юксалишини исташаётгандир. Балки, Обаманинг рейтинги пастлиги Путинни Украинада тўхтатолмаётганидандир.

Нима бўлганда ҳам, АҚШда иқтисоднинг юксалаётгани, Россияда эса иқтисодий аҳволнинг дабдалалиги - яқин келажакда жаҳонда бошқа даражадаги мувозанат ўрнатилишига олиб келиши муқаррар. Бу мувозанатни АҚШ ва Хитой ўрнатиб, Россия кўпроқ тамошабин ҳолига тушса керак.
« Олдинги хабар Хабарлар рўйхати Кейинги хабар »