Ўзбекистонда бир маҳаллар “Ўздунробита” бренди остида фаолият олиб борган “МТС-Ўзбекистон” ширкатини ҳам ўз ичига олувчи Россиянинг МТС холдинги эгаси Владимир Евтушенков 2015 йил 16 мартгача уй қамоғида қолади. Бугун Москва шаҳри туманларидан бирининг суди шундай қарор чиқарди. 7,7 млрд долларлик бойлиги билан Россия бойлари ичида 20 ўринда турувчи Владимир Евтушенков “Башнефть” компанияси акцияларини ўғирлаш ва ўзлаштириш айби билан жиноий ишга тортилиб, 16 сентябрда ўй қамоғига солинган эди.

Эслатиб ўтиш керак, у Россия Президенти қошидаги Фан ва юксак технологиялар Кенгашининг аъзоси сифатида Владимир Путинга яқин одам ҳисобланар эди. “Ҳаракат” экспертларининг фикрича, айнан шу сабабли Ислом Каримнинг Фуҳуша лақабли қизи Гулнора Швециядан $300 млн доллар миқдорида пора олиб, “Ўздунробита”ни TeliaSonera Швеция-Финландия қўшма корхонасига олиб бериши Путинни ғазабга келтирди. Бундан эс-песи чиқиб кетган Ислом Карим МТС Ўзбекистонда қайтадан иш бошлашига рухсат берди ва ҳатто қизини уй қамоғига ташлади.

Аммо, воқеалар ўта тезлик билан кутилмаган йўналишда ривожланиб кетди. Владимир Евтушенков “Башнефть” компанияси акцияларини ўғирлаш ва ўзлаштириш айби билан жиноий ишга тортилди, мана энди уй қамоғида ётибди. Бу Путиннинг рухсатисиз қилинганига ҳеч ким ишонмайди. Демак, Евтушенков энди Путиннинг назаридан четда қолдими? Ундай бўлса, Ислом Карим қизини уй қамоғидан чиқарадими?