13 November 2014
09:17 - Сенсация: Озорбайжон арманиларнинг ҳарбий вертолетини уриб туширди
Кеча пешин соатларида Озорбайжон-Арманистон фронтида арманиларнинг ҳарбий ветролети уриб туширилгани бу икки мамлакат ахборот воситаларининг тилидан ҳали ҳам тушмаган хабардир. Ишғол қилинган ҳудудларда ўтказилаётган ҳарбий машқлар пайтида арманиларнинг ҳарбий вертолети, озорбойжонлиларга кўра, бу мамлакат ҳудудига ўтиб қолган, аммо Озорбайжон тарафидан урилгандан кейин, яна ўша ишғол остидаги ерларга тушган. Унинг уччала учувчиси ҳалок бўлганини арманилар ҳам тасдиқладилар.

Аслида, икки мамлакат тахминан 25 йилдан бери феълан уруш ҳолатида эканлиги, арманилар Озорбайжоннинг 20 фоиз ҳудудларини ишғол қилиб турганини ҳисобга олсак, битта вертолётнинг уриб туширилиши оддий воқеа бўлиши керак. Аммо, бу воқеани сенсация деб баҳолашимизнинг сабаби шундаки, Озорбайжон ўз ерларини озод қилиш учун биронта амалий иш қилагани ёки қилмоқчи бўлгани ҳақида маълумот йўқ. Озорбайжон ўз ерларини йўқотганига кўникиб бўлгандек кўринарди.

Ҳатто, Озорбайжон мухолифати ҳам ўз ерларини озод қилиш учун ҳеч нарса қилмаётган режимни танқид қилганини кўрмайсиз. Демак, кечаги воқеа, ростдан ҳам, сенсация.
« Олдинги хабар Хабарлар рўйхати Кейинги хабар »