05 November 2014
08:38 - Май ойида Туркиядаги конда юз берган портлаш ва 301 кишининг ҳалок бўлишига сабабчи деб ҳисобланаётганлардан 45 киши қамалади
Шу йил 14 майдаги хабарларимиздан бирида Туркиянинг Эгей денгизи соҳилидаги Маниса вилоятида бир конда портлаш бўлиб, 274 киши ҳалок бўлгани, ярадорлар ва топилмаганлар борлигини билдиргандик. Кейинчалик, ҳалок бўлганларнинг сони 301 га чиққанди.

Ҳуқуқ-тартибот органлари бу даҳшатли воқеанинг келиб чиқишига сабабчи бўлганлар устидан жиноий иш очдилар, бир неча киши дарҳол ҳибсга олинди, ҳамма айбдорлар устидан тергов ишлари бошланди.

Бир оз вақт ўтгач, ҳамма бу фожеани унутгандек бўлди. Аммо, 28 октябрь куни Kaраман вилоятининг Эрменеки туманида бир кўмир конини сув босиб, 18 киши конда қолиб кетди, улар ҳалигача топилгани йўқ, катта эҳтимоллик билан айтиш мумкинки, улар ҳалок бўлганлар.

Балки, бу янги фожеанинг таъсиридадир, бугун Туркия матбуотида Маниса вилоятидаги портлаш бўйича бошланган жиноий ишлар қандай кетаётгани ҳақида хабарлар пайдо бўлди. Маълум бўлишича, маҳаллий прокуратура ўша ишлар бўйича айбланувчиларга ҳаммаси бўлиб 301× 25 йил қамоқ жазоси сўраётган эмиш. Яъни, ҳар бир ўлган кончи учун айбдорлар ўртача 25 йилдан қамоқда ўтириши керак.

Лекин, амалда ҳибсда ўтирган 8 киши одам ўлдириш айби билан 20-25 йилгача, ҳибсга олинмасдан судланаётган 37 киши 2-15 йилгача қамоқ жазоси олиши кутилмоқда.
« Олдинги хабар Хабарлар рўйхати Кейинги хабар »