“Исломлашишга зўр бериш замирида қирғизни манқуртлаштиришнинг яна бир амали, миллий қадриятларни йўқотиш мақсади ётибди. Биз қирғизлар араблашиб кетсак, ўша халқнинг урф-одатларини қўллаб, кийимини кийиб, тилида сўзлашиб қоламиз. Миллатимизни йўқотамиз”, деди Қирғизистон Президенти Алмазбек Атамбаев мамлакат Мудофаа кенгаши мажлисида. Мудофаа кенгаши Давлатнинг диний соҳадаги сиёсати концепциясини муҳокама қиларкан, ҳукумат вакиллари қирғизлар орасида ҳам ислом фанатизми, фундаментализми авж олаётганидан хавотирларини билдиришди.

Ўзбекистонда эса бу муаммо илдизлари янада чуқур, аммо Ислом Карим режимининг бу борадаги кураш услуб ўта ибтидоий бўлиб, фақатгина зўровонликка асосалангандир, дейди мухбиримиз. Аслида, зулм ва зўравонлик муаммо кўламини катталаштириши аниқ экан, ўзбек ҳукумати фундаментализмни йўқотишнинг самарали, демокартик тамойилларга мос услуларини топиш устида ўйлаши керак. Ўйлашга бошласа, “Бирлик” ва “Ҳаракат” ҳақ эканлигини, Исломда чуқур ислоҳотлар ўтказиш лозимлигини тушунарди.

Қирғизларга ҳам маслаҳатимиз айнан шундай: Исломда ислоҳотлар ўтказмасдан на фанатизм ва фундаментализм, бундан ҳам муҳими, Ислом терроризмидан қутилиб бўлмайди.