03 November 2014
20:07 - Прокурор иқрори: Самарқанд вилояти қишга тайёр эмас!
Самарқанд вилояти прокурори ўринбосари Аблақул Азимов вилоятдаги муассасалар қишки иситиш мавсумига тайёр эмаслигини маълум қилди, деб ёзмоқда Бош прокуратуранинг «Ҳуқуқ» газетаси. Маълум бўлишича, белгиланган режанинг 20,2 фоизи миқдорида кўмир (34 минг тоннадан ортиқ), 49 фоизи миқдорида сиқилган газ (4,7 минг тоннадан ортиқ) ғамланган. Болалар боғчалари ва мактаблар кўмир захираси билан тўлиқ таъминланмаган.

“2014 йили вилоят «Иссиқлик манбаи» корхонасига 453 миллион сўм ўтказиб берилган, бироқ шаҳардаги 29 та қозонхона талаб даражасида таъмирланмаган. Қувурларнинг ёрилиб кетгани муносабати билан иситиш тизими қишки мавсумга умуман тайёр эмас. Мансабдор шахсларга нисбатан жиноий ишлар қўзғатилди», – демоқда Азимов.

Синоптикларнинг хабарига кўра, ҳафта охирида мамлакатда ҳаво ҳарорати -12 даражагача тушиб кетади.

Самарқанд прокурори қишга тайёргарликнинг йўқлигини тан олибди, қизиқ, бошқа вилоятларда-чи?
« Олдинги хабар Хабарлар рўйхати Кейинги хабар »