26 October 2014
23:29 - Олий Радага сайловлар тугалланди, экзит-пол натижалари эълон қилинди
Маҳалиий вақт билан соат 20 да (Тошкентда - 23) Украина парламенти – Олий Радага сайловлар тугалланди, сайлов участкалари бекилди. Бир неча дақиқа ҳам ўтмасдан бир-биридан мустақил ўтказилган 3 та экзит-полнинг натижалари эълон қилинди. Улар бир-биридан жуда кам фарқ қилгани учун, биттасининг натижаларини келтирамиз.

Қуйида Халқаро экзит-полл натижаларига 5 фоизлик тўсиқдан ўтган ташкилотлар ва уларнинг олган овозлари фоиз ҳисобида:

Петра Порошенконинг блоки - 22,2

Халқ Фронти - 21,8

Ўз-ўзига ёрдам ташкилоти - 14,2

Олег Ляшконинг Радикаль Партияси - 6,4

Мухолифатчи блок - 7,8

"Свобода" бирлашмаси - 5,8

"Батькившчина" бирлашмаси - 5,6

Қолган партялар, жумладан, Коммунистик партия ва радикал ўнгчилар, экзит-пол натижаларига кўра, 5 фоизли тўсиқдан ўтолмадилар.

Президент Петр Порошенконинг блоки ҳамда ҳозир у билан ишлаётган Бош вазир Яценюк ва Олий Рада спикери Турчинов раҳбарлигидаги Халқ Фронти юқорида бўлиши аввалдан кутилган эди. Аммо, собиқ Бош вазир, зарғалдоқчиларнинг лидерларидан бири бўлган Юлия Тимошенконинг блоки бу қадар оз овоз олишини кўпчилик кутмаган эди.

Бироқ, эслатиб ўтиш кераккки, “Ҳаракат” агентлиги Юлия Тимошенкони зарғалдоқичларга ва бутун Украина халқига хоинлик қилган, Виктор Юшченконинг ўрнига тезроқ президент бўлиш учун Владимир Путиннинг тагига ётишга ҳам тайёр бўлган сиёсатчи деб эълон қилган эди. Мана энди кўриб турибмизки, Украина халқининг асосий қисми ҳам шу каби фикрда экан.

Эълон қилинган рақамлар экзит-полга оиддир. Марказий Сайлов Комиссияси ҳақиқий натижаларни 10 ноябргача эълон қилмоқчи. Уни кутамиз.
« Олдинги хабар Хабарлар рўйхати Кейинги хабар »