15 October 2014
17:13 - Европада мусулмонлар учун ҳалол фоҳишахона очилган эди, ИШИД ҳалол футбол чемпионати ўтказмоқчи
Голландиянинг Амстердам шаҳрида ҳалол фоҳишахона очилиши - onislam.net сайтида хабар қилингани, бунга уч нафар имомнинг рухсати ҳам олингани ҳақида шу йил 27 майда “Бу дунё шунақа ўзи” рукни остида хабар тарқатган эдик. Ҳамма нарсанинг ҳалолини яратиш жарёнлари давом этмоқда.

Ҳозир маълум бўлишича, ИШИД ҳалол футбол чемпионати ўтказишга тайёрланмоқда экан.

Шу ой охирида Ливияда ўтказиладиган чемпионатда Афғонистон, Ироқ, Миср ва Ливия футболчилари иштирок этиши кутилмоқда. ИШИД расмийларига кўра, бундай чемпионат – ИШИДнинг жозибалагини орттиради, унга қўшилиш истаганларнинг сони кўпаяди.

Ҳалол футболнинг қоидалари шариатга мос бўлиши ҳам айтилади, аммо бу мослашишнинг тафсилотлари тилга олинмайди.
« Олдинги хабар Хабарлар рўйхати Кейинги хабар »