15 October 2014
21:33 - Москвада юртдошимиз фожиали равишда ҳалок бўлди
“Озодлик” радиоси мухбирининг воқеа жойидан уюштирган репортажига кўра, Москванинг бир неча йилдан бери қурилаётган “Москва-Сити” офис марказларидаги бинолардан бирининг 10-қаватидан қурувчиларнинг осма кажаваси қулаб тушди ва натижада ўзбекистонлик муҳожир - 21 яшар Ғуломжон Нодиржон ўғли Эркаев ҳалок бўлди. Жиддий тан жароҳати олган яна олти ўзбекистонлик ишчи шифохонага олиб кетилди.

Бугун тонгда содир бўлган воқеа хусусида Россия Ички ишлар вазирлигининг Москва шаҳри бўйича бошқармаси изоҳ берди ва фaктларнинг ҳаққоинйлигини тасдиқлади. Полицияга кўра, ҳодиса жойига етиб келган Тез ёрдам ва полиция ходимлари ярадор ишчиларни қурилиш крани тагидаги осма кажава ёнидан топган, ўлган ишчининг жасадини эса кимдир омборхонага олиб кириб қўйганини аниқлаган. Терговчилар шу тариқа прораблардан бири жиноят изини йўқотишга уринганини айтмоқда.
« Олдинги хабар Хабарлар рўйхати Кейинги хабар »