2002 йилдан бери ўтказиладиган “Нима? Қаерда? Қачон?” жаҳон ўйинларининг бу йилгиси 12 мамлакатнинг терма жамоалари иштирокида Туркияда ўтказилибди. Бу йил биринчи марта ҳаваскорлар ва прфессионаллар учун алоҳида мусбақалар ўтказилибди.

Ўзбекистон ахборот воситаларида билдирилишича ҳавоскарлар терма жамоаси (Дмитрий Вагапов, Азизбек Юсуфов, Евгений Калюков, Алексей Карцевич, Усмон Шарифхўжаев ва Вадим Улитчев) ўз категориясида иккинчи ўрин, профессионаллар термаси (Дмитрий Вагапов, Александр Друзь, Евгений Калюков, Усмон Шарифхўжаев, Алекс Левитас ва Алексей Карцевич – расмда) ўз категориясида бешинчи ўринни эгаллаган.

Иккала терманинг таркиби сал кам бир хил эканлигини қўйиб турайликда, уларнинг ичида биттадангина ўзбек борлигига эътибор берайлик.

Бу факт ҳам “Ҳаракат” тарафидан мунтазам равишда айтиб келинаётган фикрни тасдиқлайди: ўзбекларнинг мутлақо кўпчлиги миллат сифатини йўқотиб, Ал Хоразмий, Ал Бируний, Мирзо Улуғбек авлодлари эканини ҳам унутиб, “тинч осмон” остида овқат ейиш ва туалетга боришни ўйлайдиган тўдага айланган. Уларнинг “Нима? Қаерда? Қачон?” деган аҳмоқона саволлар билан иши ҳам йўқ.

Ўзбекистоннинг келажагини ўйлайдиганлар - ўзбекни қайтадан миллат сифатига қайтаришдан иш бошлашлари керак. Фақат ва фақат “Бирлик” Партияси ва “Ҳаракат” Агентлиги шу йўналишда иш олиб бораётганини ҳеч ким инкор этолмайди.