Аввалги кунги хабарларимиздан маълумки, Нью-Йорк фондлар биржаси жаҳондаги, хусусан, Германиядаги иқтисодга оид салбий тенденциялардан талвасига тушгани сабабли, унинг асосий кўрсатгичи бўлмиш Dow Jones индекси 6 октябрда 272 поғанага тушиб кетганда, “Ҳаракат” агентлиги аслида жаҳон иқтисодида бошқа кризис бўлмаслигига ишора қилиб, Dow Jones бир неча кун ичида ўзини тиклаб олиши ҳақида бошарот қилган эди. Башоратимиз тўғри чиқди ва 7 октябрда Dow Jones индекси 274 поғанага юксалиб, аввалги кундаги тушишни қоплади.

Аммо, кеча 9 октябрда Нью-Йорк фондлар биржасида кутилмаган жараёнлар бошланди. Жаҳон иқтисодида салбий тенденциялар давом этиши мумкинлиги ҳақидаги хабарлардан кейин йирик компаниялар ўз акцияларининг нархи тушиб кетишидан қўрқиб, уларни сотабошладилар. Айнан бунинг натижасида, бир нечта йирик компаниялар акцияларининг нархи тушишга бошлади. Масалан, Америка Банки акцяиларининг нархи 3,1 фоизга тушиб кетибди. Бу миллиардлаб доллар пул йўқотиш демакдир. Тўғри, акцияларининг нархи ортган компаниялар ҳам бор, масалан, машҳур Apple компанияси, аммо бундайлар кам. Умумий аҳвол ўта ёмон - кеча биржа бекилганда Dow Jones индекси 310 поғанадан ҳам кўпрроққа тушиб кетгани маълум бўлди. Бу ҳақда Reuters агентлиги хабар берди.

Яна шу агентликнинг хабарида айтилишича, бир қатор экспертлар Нью-Йорк фондлар биржасида бўлаётган воқеаларни қандайдир тушунмовчиликлар натижаси демокдалар. Масалан, АҚШда марказий банк ролини ўйнайдиган Федерал Резервнинг Сант-Луиз бўлими президенти James Bullard тўғридан-тўғри “Биржалар хато қилмоқда” дебди.

Айнан шу фикрлар “Ҳаракат”нинг фикрига ўхшаш. Бизга кўра, кеча биржа хато йўналишда кетди. Аммо, булар тезда тузалади ва аввалги бошоратимиз амалга ошади. Ҳозир АҚШда эрталаб, Нью-Йорк фондлар биржаси ҳали очилгани йўқ.