09 October 2014
22:11 - Ислом Карим келаси йили Чехияга борадиган бўлибди
Бу ҳақда Чехия президенти девонининг Ташқи ишлар бўйича департаменти директори Гинек Кмоничек маълум қилди. Бир гуруҳ ҳуқуқ ҳимоячилари ва халқаро ташкилотлар Ислом Каримнинг шу йил Прагага ташрифини йўққа чиқаришга эришганидан сўнг, давлат ташрифининг амалга оширилишига кўпчилик ишонмаётган эди.

Ўзбекистон Ташқи ишлар вазирлигидаги манбага кўра, бугунги хабарга расмий тус берган Кмоничекнинг шу йил 19 сентябрь куни Тошкентда Ўзбекистон ташқи ишлар вазири Абдулазиз Комилов билан учрашган ва музокараларда давлат ташрифи амалга оширилишига келишилган.

Ислом Каримнинг кун сарин яккамоховга айланиб бораётгани устидан кулиш одатини чиқарган “Ҳаракат” агентлиги униннг Чехияга сафарини олқишлайди. Чунки, бу ташриф ЕИ в Ўзбекистон ўртасидаги сиёсий интеграцияларда ҳам муҳим роль ўйнаши мумкин. Фақат Ғарб билан сиёсий интеграция Ўзбекистон ҳукуматини жиддий ислоҳотлар қилишга мажбур қила олиши ва мамлакатимизни ҳалокатдан қутқариши мумкин.
« Олдинги хабар Хабарлар рўйхати Кейинги хабар »