Шу йилнинг сентябрь ойида бу лавозимга тайинланиб, 1 октябрда иш бошлаган НАТОнинг янги Бош котиби Йенс Столтенберг кеча Польшага келганда шундай баёнот берибди: “Келаси йилда режалаштирилган вазирлар йиғилишида Тезкор Ҳаракат Кучлари тузиш ҳам кўзда тутилган. Аммо, улар тузилмасиданоқ, НАТОнинг кучли аримияси бор. Биз уларни истаган еримизда жойлаштироламиз.”

Аслида, НАТО кучлари НАТОга кирувчи мамлакатларда жойлаштирилиши керак. Аммо, дунё янги совуқ урушига кириб бўлди. Уруш пайтида уруш талаб қилган қарорлар қабул қилинади. НАТО айнан шу йўлдан кетмоқда.

Эслатиб ўтиш керакки, Йенс Столтенберг НАТО Баш котиби лавозимига тайинланмасдан аввал Норвегиянинг Бош вазири эди. Норвегиядек тинчликсевар мамлакатдан вакили бундай сўзлар айтаётгани - НАТОда жиддий ўзгаришлар бўлаётганининг кўрсатгичидир.

Йенс Столтенберг Польшадан кейин Туркияга бориши ҳам айтилган. Туркия ИШИД билан урушга очиқ киргани сабабли кутиш керакки, НАТО Бош котиби у ерда яна ҳам кескинроқ гаплар гапиради, НАТО қўшинлари ИШИДни яксон қилиш ва Яқин Шарқни назорат остига олиш мақсадида Туркияга жойлаштирилади. Кейин навбат Россияни қуршаб олишга келади.