03 October 2014
01:37 - Яхши хабар: ЕИ Ўзбекистон билан савдо ва сармоя кенгашини тузмоқчи
Европа Иттифоқи Ўзбекистондаги ваколатхонаси раҳбари Юрий Штэрк европалик тадбиркорларининг мамлакатга сафари якунлари борасидаги фикрлари билан ўртоқлашаётганида бу ҳақда маълум қилди. Ҳар ҳолда, элчининг гапи шунчаки гапмас, балки расмий характерга эга баëнотдир. ЕИ расмийсига кўра¸ бундай кенгашнинг тузилиши Ўзбекистон билан иттифоққа аъзо давлатлар ўртасидаги интеграцияни ривожлантиради.

ЕИ вакили Ўзбекистон ҳукуматининг тадбиркорлик фаолияти учун маъмурий буйруқбозлик ҳолатларига қарши курашилаётгани, сармоядорлар учун кенг имкониятлар яратилаётганини олқишлаган. Интеграция ва муносабатлар ривжожи йўлида реалликни яширишга уринаётган дипломатни тушуниш мумкин, аммо ЕИ-Ўзбекистон муносабатлари илиқлашиб, интеграцияннг сиёсий босқичига ўтилса, яна ҳам яхши бўларди, дейди мухбиримиз.
« Олдинги хабар Хабарлар рўйхати Кейинги хабар »