02 October 2014
01:17 - Путиндан ва ИШИДдан қўрқмаган Нью-Йорк фондлар бозори Эбола вируси АҚШга келганидан талвасага тушибди
Путин Украина билан уруш бошлаганда ва Яқин Шарқда саҳнага Ироқ Шом Ислом Давлати номли кучли террорист гуруҳ ўртага чиққанда бироз тушиб, кейин тезда ўзини эплаб олган Нью-Йорк фондлар бозорининг асосий кўрсатгичи бўлмиш Dow Jones индекси кеча 238 поғанага тушиб кетди. Яъни, аввалги куни 17042 га тенг бўлган Dow Jones индекси кеча фондлар бозори бекилганда 16805 эди. Бу дегани, катта АҚШ компаниялари акцияларининг нархи 1,40 фоизга тушди демакдир.

Сабаб нима дейсизми? Сабаб – кеча АҚШда биринчи марта бир касалга шу пайтгача асосан Африкада қутираётган Эбола вируси юққани ҳақида диагноз қўйилди.

Мана кўрдингизми, ҳатто Dow Jones индекси ҳам америкаликларни ўйлайди, уларнинг тақдири ҳақида биринчи бўлиб қайғуради. Путиннинг уруши ва ИШИДнинг террористик ҳаракатлари кўп одамни ўлдиради, аммо америкаликларга катта таъсир кўрсатолмайди. Эбола эса ўлдириши мумкин.

Нима бўлганда ҳам, Нью-Йорк фондлар бозорининг бу сигнали катта бизнес эгалари тарафидан қабул қилинади, Эболанинг таъсирини камайтиш ёки йўқ қилиш учун керак бўлган ишлар қилинади.

Нима ҳам дердик, йўқолсин Эбола, яшасин Dow Jones индекси!!
« Олдинги хабар Хабарлар рўйхати Кейинги хабар »