28 September 2014
19:24 - Ислом ва терроризм синонимга айланиб бораётган бир пайтда, Ислом Ҳамкорлик Ташкилоти давлатларининг вазирлари Нью-Йоркда нимани гаплашишди?
Ўзбекистон Ташқи ишлар вазирлигининг сайтида бугун билдирилишича, 26 сентябрь куни Нью-Йоркда БМТ Бош Ассамлеясининг очилишига келган Ислом Ҳамкорлик Ташкилотига кирувчи давлатларнинг ташқи ишлар вазирлари Мувафиқлаштирувчи учрашув ўтказишибди. Вазирликнинг хабарида бу учрашувдан нима масалалар кўришилгани умуман тилга олинмайди. Фақатгина Ўзбекистон вазири Абдулазиз Комил ИҲТ ташқи ишлар вазирларининг 2016 йида бўладиган 43-чи сессияси Тошкентда ўтказилишини тасдиқлабди.

Яна ўша куни Абдулазиз Комил ИҲТнинг Бош котиби Ияд Амин Мадани билан ҳам учрашиб, Ўзбекистон ва 57 ислом мамлакатини бирлаштирувчи бу ташкилот ўртасидаги ҳамкорлик масалаларини муҳокама қилибди. Табиий, хабарда, учрашувнинг тафилотлари берилмаган.

Аслида, дейди мухбиримиз, Абдулазиз Комил ҳақиқий дипломат бўлса эди, Мувафиқлаштирувчи учрашувда ҳам, Ияд Амин Мадани билан учрашувда ҳам, Ислом дунёсининг ўзи ислом терроризмига қарши курашга бошчилик қилиши кераклигини, акс ҳолда, ислом ва терроризм сўзлари синонимга айланб қолиш хавфи кучайиб бораётганлигини гапириб, бу муаммо билан шуғулланиш лозимлигини айтарди. Умид қилиш керакки, вазиримиз “Ҳаракат”нинг бу хабарини ўқигандан кейин, 2016 йили Тошкентда бўладиган сессияда шу масалани ҳам кун тартибига киритиш устида ўйлашга бошлайди.
« Олдинги хабар Хабарлар рўйхати Кейинги хабар »