Ўзбек миллатига мансуб бўлган Россиянинг энг катта бойи Алишер Усмонов кеча 61 ёшга тўлган кунини Тошкентдаги муҳташам ресторанлардан бирида (Азия-Гранд) қутлагани gazeta.ru сайтида эълон қилинди.

Маълумки, бу сайтнинг эгаси Алишер Усмонов. Шу сабабли унга ишониш мумкин. Аммо, нима учун бу хабар бир оздан кейин сайтдан олиб ташланганини тушуниб бўлмайди. Хабарга Алишер Усмоновнинг отасини номи билан аталган BOURKHON шахсий авиалайнерининг фотосурати ҳам илова қилинган эди

Дунё бойларининг рўйхатини тузиш билан шуғулланадиган Forbes журнали шу йилнинг бошида Алишер Усмоновнинг бойлигини 18,6 миллиард доллардан кўпроқ деб баҳолаганди. Аммо, Украинадаги кризис туфайли ҳозир бу рақам 16 миллиардга тушганлиги ҳам шу журнал тарафидан айтилмоқда.