09 September 2014
23:25 - Гулистон университети проректори порахўрлакда айбланмоқда
Сирдарё вилояти прокуратураси томонидан Гулистон Давлат Университетининг биринчи проректори Султон Норматовга нисбатан Ўзбекистон Республикаси Жиноят Кодексининг 210-моддаси 2-қисми билан жиноят иши қўзғатилиб, тергов ҳаракатлари олиб борилмоқда. Фалсафа фанлари кандидати бўлган бўлган 35 яшар педагог шу йилнинг 5 сентябрида Миллий Хавфсизлик Хизматининг Сирдарё вилояти бошқармаси тезокр вакиллари томонидан ҳибсга олинган.

Сирдарёлик ҳуқуқ ҳимоячиларига кўра, Султон Норматов шу йилнинг июль ойида университетга кириш учун ўтказилган ижодий имтиҳон комиссияси раиси сифатида талабалардан пора олган. Ўтказилган махсус тадбир пайтида кукун билан ишлов берилган 500 АҚШ доллари билан ҳибсга олинган. Педагогга қўйилган айблов тасдиқланса, у 10 йилдан ортиқ муддатга озодликдан маҳрум қилинади. Проректорнинг Ховосдаги тергов изоляторига жўнатилгани айтилмоқда.
« Олдинги хабар Хабарлар рўйхати Кейинги хабар »