Кеча хабар қилинганидек, бугун Буюбританияда иш бошлайдиган НАТО саммитининг Афғонистондаги аҳволга бағишланган масалаларни кўриб чиқишида ташқи ишлар вазири Абдулазиз Комилов раҳбарлигидаги Ўзбекистон делегацияси ҳам қатнашади. НАТОнинг саммитида бир марта Ислом Каримнинг ўзи ҳам иштирок этгани ва Ўзбекистон ўз ташқи сиёсатда яккамоховлик йўлини танлагани, бунинг устига иқтисоди оғир аҳволда эканлигини ҳисобга олсак, НАТОнинг саммитида Ўзбекистон делегацияси қатнашаётгани катта воқеа эмас.

Шундай бўлса, НАТОнинг Бош котиби Андерс Фог Расмуссен НАТОнинг бугунги саммити тарих бўйича энг муҳими бўлади деганда нимани назарда тутмоқда эди? Мана унинг сўзлари: “Ҳозир хавфсизлик масаласида оғирлашган аҳволдамиз. Украинанинг жанубига Россия ҳужум қилди, ўрта жанубий шарқда “Ислом Давлати” номли террористик ташкилот юксалиб бормоқда, жанубда беқарорлик ва хавф кучаймоқда.”

Андерс Фог Расмуссеннинг гапларидаги энг муҳим нуқта – Украинадаги аҳвол, тўғрироғи, Россиянинг Украина жанубига ўз қўшинларини олиб кирганидир. Бугун ва эртага давом этадиган НАТО саммитинининг кун тартибидаги асосий масала айнан Украинадаги аҳвол бўлади. Дарвоқе, саммитга Украина президенти Петр Порошенко таклиф қилинган.

НАТО Россияга адекват жавоб бероладими? Ҳамма гап мана шу ерда.