Олти ҳафтадан бери давом этаётган Исроил-ХАМАС уруши пайтида исроилликларга ёрдам бериш, ўз миллатига хоинлик қилишда айбланганлардан 7 киши Ғазонинг энг буюк майдонларидан бирида жойлашган жоме олдида, одамларнинг кўзи олдида отиб ўлдирилди. Reuters Агентлиги 1990 йиллардан бери биринчи марта халқнинг кўзи олдида қатл қилиш юз берганини таъкидламоқда.

Ҳа, хоинлар жазоланиши керак, аммо ХАМАСнинг бу ишини оқлаш қийин, чунки қатл қилинганларнинг айби ҳозирги алғов-далғов шароитда исботланганига ҳам ишониш қийин. Гумон қилинаётган одамларни қатл қилиб, бошқаларга дарс берилаётган бўлса, бу ҳам тўғри эмас. Ўрта асрларда каби қатл қилиш халқнинг кўзи ўнгида қилинаётгани эса, мутлақо нотўғри.

Яна бир марта такрорлааймиз, хоинларни жазолаш лозим. Аммо, жазо фақат қатл бўлиши шарт эмас. Хоинларнинг пешонасига “ҳаромий” тамғаси босиш, уларнинг афтига тупуриш ҳам жазодир.

Ҳозир ўзбеклар ичида бир чақа пул учун ўз миллатига хоинлик қилиш, минг афсусуки, оддий воқеага айланиб бормоқда. Ўзбекнинг тарихида биринчи марта яратилган миллий озодлик ҳаракати бўлган “Бирлик”ни 53-54 сонли иккита квартира ва коммунистик партиянинг битта депутатлик мандати учун КГБ агенти Ислом Каримга сотган ҳаромий Салой Мадамин ва унинг орқасидан кетган ифлослар (масалан, Зоҳир Аълам, Аҳмад Аъзам, Дилором Исоқова, Усмон Азим, Фахриддин Худойқул кабилар) жазоланиши шарт.

“Бирлик” Партиясининг Наманган вилоят ташкилоти раиси Носир Зокир ўз ташкилотига ҳам хабар бермасдан ҳаромийлардан иборат “Бирдамлик” ташкилотига ўтиб кетгани учун “ҳаромий” лақабини расман олди. У энди пешонасидаги бу тамағадан ҳеч қачон қутулолмайди.

Бу воқеа – потенциал хоинлар учун дарс бўлиши керак. Жуда кўп миллатлар ўз вақтида оғир шароитда қолган бўлсалар ҳам, айнан хоинларни жазолаш механизмлари яратиб, қайтадан оёққа турганлар. Миллат сифатини йўқотиб бўлган ўзбеклар шундай механизмлар яратмас экан, қозоқларнинг мардикорларига айланишдан ташқари, ҳеч қачон миллат сифатига ҳам қайтадан эришолмайдилар.

Ҳозир фақат “Бирлик” Партияси миллат ва давлатнинг касаллигига тўғри диагноз қўйиб, уларни даволаш йўлларини таклиф қилмоқда. Хоинларни жазолаш механизмларини яратиш ҳам шу йўналишдаги ишлардан биридир.