22 August 2014
15:09 - Ҳақиқий хабар “Ҳаракат”да ўқилар: Туркия Эронга ўхшаб кетаётгани ҳам, Порошенко Путин билан учрашувга қандай тайёрланаётгани ҳам
Туркия Эрон каби исломий давлатга айланиш, Араб дунёсига яқинлашиб, Ғарбдан узоқлашиш йўлига ўтганини “Ҳаракат” мухбирлари ва экспертлари 1-2 йилдан бери айтиб келмоқдалар. Ҳа, бундай фикрлар дунёда биринчи бўлиб айнан “Ҳаракат” сайтида айтилди.

Шуни алоҳида таъкидлаш керакии, “Ҳаракат” шундай бўлишини истагани учун бу фикрларни айтаётгани йўқ, аччиқ ҳақиқат шундайлигини аввалдан башорат қилди ва яна ҳақ чиқди. Ҳақлигимизнинг энг яхши исботи, дейди мухбиримиз, Исроил Бош вазири Натаняхунинг куни кеча “ХАМАСнинг ёнида фақат Қатар, Туркия ва Эрон бор” деган сўзларидир. НАТОнинг аъзоси бўлган Туркия айнан НАТО давлатлари тарафидан расман террористик деб тан олинган ташкилотни қўллаб-қувватлаши – Ғарбдан узоқлашиш, Араб дунёсига яқинлашишдир.

Мана яна бир бошқа мисол. Кечагина “Ҳаракат” сайтида “Украина президенти Петр Порошенко 26 август кунга режалаштирилган Владимир Путин билан Минскда бўладиган учрашувгача Украина қўшинларининг стратегик позициясини мустаҳкамлаб олмоқчи”, деган фикр ёзилганди. Табиий, “стратегик позоцияни мустаҳкамлаб олиш” - Донецк ва Луганск шаҳарларини расмий ҳукумат назорати остишга ўтказишдир.

Россия Ташқи ишлар вазирлигининг бугун расман эълон қилинган баёнотида айнан “Ҳаракат”нинг иддаоси такрорланади. Мана русларнинг ўша баёнотидан иқтибос/цитата: “Кўринишидан Украина ўзининг мутақиллик куни бўлган 24 августгача Луганск ва Донецкни тўла тозаламоқчи ва 26 августда бўладиган Путин билан учрашувга шундай натижа билан келмоқчи”.

Кўриниб турибдики, Исроилдек давлатнинг Бош вазири ва Россиядек давлатнинг Ташқи ишлар вазирлиги бироз кечикиб бўлса ҳам, айнан “Ҳаракат” Агентлиги айтган фикрларга келмоқдалар, унинг башоратларини тасдиқламоқдалар.

Биров истаса-истамаса, “Ҳақиқий хабар “Ҳаракат”да ўқилар” ифодаси агенлигимизнинг шиорига айланиб бормоқда.
« Олдинги хабар Хабарлар рўйхати Кейинги хабар »