22 August 2014
08:08 - Москвада тинчлик марши ўтказишмоқчи, Тошкентда ҳам ўтказиш керак
Россия демократик мухолифатининг лидерларидан бири Борис Немцов 21 сентябрь куни Москвада Умумроссия Тинчлик Марши ўтказиш учун тайёргарчилик бошланганини эълон қилди. Тинчлик Марши ўтказиш қарори кеча Россия мухолифатчиларининг Норозилик Ҳаракати Комитети тарафидан қабул қилинибди.

Борис Немцов бу хусусда шундай дейди: “Украина жанубида қардош халқлар ўртасида давом этаётган қонли урушга бефарқ қараш мумкин эмас. Путин раҳбарлигидаги Уруш партияси қурол, пул ва жангарилар юбориш билан ҳамма ёқни оловлантирмоқда. Буни тўхтатиш лозим.”

Ўзбек демократик мухолифати ҳам ўз борлигини кўрсатиши, Украинани қўллаб-қувватлаши керак, дейди “Бирлик” Партияси раиси Абдураҳим Пўлат. Ҳозир бу мавзуни партиямиз ичида муҳокама қилишни бошладик, амалий ишга ҳам ўтамиз. 21 сентябрь куни Москвада бўладиган Норозилик Маршига ўша ерда яшаётган ўзбекларни тортиш ҳам бизнинг вазифамиздир.

Расмда - "Бирлик"нининг 1989 йил 1 октябрь куни Навоий кўчасида ўтказган бир неча ўн минг кишилик намойиши. 8 октябрдаги "Бирлик"нинг бўлиниш мажлисида миллат хоини, 53-54 лақабли ҳаромий Салой Мадамин Ислом Каримнинг топшириғи билан бу намойишни "кўча чангитиш" деб баҳолаган эди. Намойишчиларнинг йўлини тўсолмаган милиционерлар намойишчиларнинг олдинги қаторида юришга мажбу бўлгани ҳам рамзий нарсадир. Вақти келади, ўзбекларнинг кўзи қайтадан очилишга бошлайди, айнан милиционералр “Бирлик” тарафига ўтишни бошлашади.
« Олдинги хабар Хабарлар рўйхати Кейинги хабар »