Наманган, 2014 йил 9 август

1. “Бирлик” Партияси мавжуд оғир шартларга қарамасдан ўз вазифасини бажараётгани, яъни мавжуд ҳокимиятни конструктив танқид қилиб, бор камчиликларни бартараф қилиш учун ўз таклифларини киритаётгани - ҳеч ким инкор этолмайдиган ҳақиқатдир. Бу йўналишда “Бирлик” Партияси тарафидан яратилган “Ҳаракат” Ахборот Агентлигининг фаолияти олқишланиши керак.

2. Халқимизни ўз тадирига бефарқ бўлмайдиган, ўз келажаги учун курашадиган савияга олиб чиқиш ҳам бизнинг вазифамиздир.

3. Партия фаоллари ҳозирги босқичда маҳаллий ҳокимятлар, ўзлари сайлаган Олий Мажлис депутлари ва оммавий ахборот воситалари вакиллари билан учрашиб, нега Ўзбекистоннинг ғариб иқтисодий аҳволи халқдан бекитиб келинмоқда, нега уни тузатиш йўллари муҳокама қилинмаяпти деган саволларни ўртага қўйишлари мақсадга мувофиқ бўлади. Ҳокимиятдагилар, депутатлар ва журналистлар учрашувдан қочсалар, уларга мурожаатлар топшириш ва жавоб талаб қилиш лозим. Жавоб бўлмаса нима қилиш кераклигини яна муҳокама қиламиз.

4. Иқтисоддаги қолоқлигимиздан чиқиш учун ҳам инқилобий ўзгаришлар қилиш лозим. Ҳозирги ҳукуматдагиларга буни тушунтириш бизнинг вазифамиздир. Қозоқ ва туркманларнинг руслар чизиб берган чегаралар доирасидаги табиий бойликлари Марказий Осиё халқлариники эканлигидан келиб чиқиб, бу бойликларни биргаликда ўзлаштириш масаласини кун тартибига олиб чиқиш керак. Айни замонда, Ўзбекистонда бойлар синфи яратилиши йўлидаги тўсиқлар олиб ташланиши шарт. Чунки, ташқаридан катта инвестициялар олиб келишни бойлар синфисиз қилиб бўлмайди

5. Партия раисининг ўринбосарлари Исмоил Дадажон ва Пўлат Охун Партиянинг тегишли органларига мурожаат қилмасдан ва уларнинг жавобини кутмасдан ўз лавозимларидан кетганларини эълон қилишлари миллат ва давлатнинг келажаги билан шуғулланаётган Партия учун қабул қилиб бўлинмайдиган ҳолатдир. Бу икки киши Партиянинг тегишли органларига ўзларини қониқтирмаётган масалалар бўйича мурожаат қилишлари ва уларнинг қарорини кутишлари керак. Акс ҳолда, Партиямизнинг оёғига болта урилган бўлади. Уларни ҳозирча ўз лавозимида қолаётган Партия раисининг ўринбосарлари деб ҳисоблаймиз, фаолиятларини давом эттираверишга чақирамиз..

6. Партиянинг Наманган ташкилоти раиси Носир Зокир ўз ташкилотини ҳам огоҳлантирмасдан бошқа бир гуруҳга ўтиб кетишини қабул қилиб бўлмайди. Унинг бу ҳаракати қораланиши ва ундан қилган ишлари учун халқдан кечирим сўраши кераклиги талаб қилиниши лозим. Акс ҳолда, у тарихга ҳаромий дейилган қора ном билан кириши муқаррар.

7. Яқин ойларда Партиянинг вилоят ташкилотлари конференцияларини ўтказиш ва кейинги йилнинг биринчи чорагида партиянинг қурултойини ўтказиш учун тайёргарлик бошланиши керак деб ҳисоблаймиз.