Аввал хабар қилганимиздек, НАТО Бош Котиби Андерс Фог Расмуссен Украинани сиёсий қўллаб-қувватлашини намойиш қилиш мақсадида Киевга келган эди.

У бугуноқ Украина президенти, Бош вазири ҳамда парламентнинг спикери билан учрашди ва НАТО Россия билан ҳамма соҳаларда ҳамкорликни тўхтатиб, Украинани қўллаб-қувватлаш ва у билан ҳамкорлик қилишни кучайтиришга қарор қилинганини билдирди. Агар, Россия Украинага интервенциясини тўхтатмаса, деди НАТО Бош Котиби, унга қарши янада чуқурроқ ва қаттиқроқ иқтисодий санкциялар киритилади, улар Россия иқтисоди учун жуда оғир бўлади.

Андерс Фог Расмуссен Украина президенти Петр Порошенкони шу йил сентябрь ойида бўладиган НАТО саммитига таклиф қилди. Украина НАТО аъзоси бўлмаганлиги сабабли, Порошенконинг иштирокида алоҳида мажлис ўтказилади.

Айни замонда, агар Россия Украинадаги жангариларни қўллаб-қувватлашини тўхтатмаса, унга қарши янада қаттиқроқ санкциялар киритилиши мумкин, деб хабар беради Reuters Агентлиги АҚШнинг Молия вазири ўринбосари Дэвид Коэнга асосланиб.

Хуллас, бечора Путинни яна ҳам оғирроқ кунлар кутмоқда.