07 August 2014
14:31 - Путинга яна бир шапалоқ урилди: НАТО Бош Котиби Андерс Фог Рассмусен Киевга келди
Шу йилнинг 26 апрелидаги хабарларимиздан бирида АҚШ президенти Барака Обама Россияга янги элчи қилиб Жон Теффтни тайинлаш хусусида қаттий қарорга келгани айтар экан, бу Россия президенти Владимир Путинга шапалоқ бўлишини таъкидлагандик. Бундай дейишимизнинг сабаби бундай эди. Жон Теффт АҚШнинг Грузия (2005–2009 йй) ва Украина (2009–2013 йй) давлатларида элчиси бўлган. Айнан Жон Теффт элчилик қилаётган йиллари Россия Гуржистон билан уруш олиб борган, Украина билан уруш остонасига етиб борган. Иккала воқеада ҳам, АҚШ Россиянинг ёнида эмас, қаршисида бўлган. Бунда элчи Жон Теффтнинг ҳам роли бўлмаганига фақат ёш болаларни ишонтириш мумкин.

Бугун Путинга яна бир шапалоқ солинди. Ҳозиргина Киевга НАТО Бош Котиби Андерс Фог Рассмусен келди. У Украина президенти, Бош вазири, Ташқи ишлар вазири ва парламент спикери билан учрашиб, НАТО Украинани сиёсий қўллаб-қувватлашини шахсан билдирмоқчи . Бу ҳақда Андерс Фог Рассмусеннинг ўзи Twitter орқали хабар тарқатиб бўлган.

НАТО Бош Котиби Украина расмийлари билан Украина-НАТО Комиссиясининг навбатдаги мажлисини ўтказиш ҳақида ҳам гаплашмоқчи.
« Олдинги хабар Хабарлар рўйхати Кейинги хабар »