06 August 2014
23:06 - Ўзбекистонда шартнома асосида таълим олиш яна-да қимматлашди
Бугун Республика Молия вазирлиги 2014/2015 ўқув йили учун олий таълим муассасаларида таълим йўналишлари ва мутахассисликлар бўйича тўлов контрактлари миқдори ошганини маълум қилди. Шу йилнинг сентябрдан бошлаб бакалавриат таълим йўналишлари бўйича контракт миқдори ҳозирги 5 050 000 сўмдан 7 450 000 сўмгача кўтарилади. Йилига ўртача 2500 АҚШ долларини ташкил этувчи контракт тўловлари таълим йўналишига қараб ўзгаради. Ўтган йили энг қиммат контракт миқдорлари, масалан, халқаро муносабатлар¸ жаҳон иқтисодиёти ва халқаро иқтисодий муносабатлар йўналишида 6 миллион 750 минг сўм бўлган бўлса, бу йил бу миқдор 700 000 сўмни ташкил этмоқда.

Магистратура бўйича контракт миқдори 7 420 000 сўмдан 8 190 000 сўмга чиқди. Давлат грантлари сезирларли даражада қисқариб, қарийб барча олий ўқув юртларида тўлов-контракт тизимига ўтилмоқда. Бу эса шундоғам ўқиш қийин бўлган Ўзбекистонда фуқароларнинг қаддини букиб қўяди, дейди мухбиримиз.
« Олдинги хабар Хабарлар рўйхати Кейинги хабар »