06 August 2014
22:29 - Мамлакатимизнинг жанубий темир йўллари Хитой кредити эвазига электрлаштирилади

Ўрисларнинг РИА Новости агентлиги Қарши-Термиз йўналишини электрлашитириш бўйича Техника Импорт-экспорти бўйича Хитой корпорацияси билан “Ўзбекистон темир йўллари” ширкати ўртасида 50 миллион долларлик шартнома имзолангани ҳақида хабар тарқатди. Хитой томони шу миқдордаги сармоя эвазига техник ускуналар етказиб беради. Мазкур ширкат Самарқанд-Қарши йўналишини электрлаштириш учун ҳам 45 миллион долларлик сармоя киритганди.

Расмий маълумотларга кўра, мамлакатимиздаги 4185 километрлик темир йўлнинг қарийб 1000 километри 2007-2014 йилларда электрлаштирилди. Мамлакат ичидаги юкларнинг 60 фоизга яқини темир йўл орқали ташилишини инобатга олсак, бу сармоя ва ислоҳотлар жуда муҳимдир.
« Олдинги хабар Хабарлар рўйхати Кейинги хабар »