01 August 2014
19:09 - Жуда қизиқ: Украина Канада ва Ўзбекистон билан эркин савдо зонаси яратмоқчи
УНИАН агентлигининг хабарида айтилишича, Украина Канада ва Ўзбекистон билан эркин савдо зонаси яратмоқчи эканлиги ҳақида бу мамлакатнинг Иқтисодий ривожланиш ва савдо вазири Павел Шермет гапирган.

Биз турли мамлакатлар билан шу йўналишда музокаралар олиб бормоқдамиз. Биринчи навбатда Шимолий Америка билан, кеча Марказий Осиё мамлакатларининг бирини ҳам эсладик, дебди ва кимнингидир саволига берган жавобида Марказий Осиёдаги мамлакатларидан бири деганда Ўзбекистон назарда тутилаётганини, у мамлакатнинг делегацияси билан шахсан ўзи июнь ойида учрашганини айтибди. Эркин савдо зонаси бир йил ичида яратилиши мумкинлиги ҳам вазир тарафидан айтилган.

Украина Европа Иттифоқи билан ассоциатив аъзолик шартномаси ҳам имзолаганини ҳисобга олсак, секин-аста унинг иқтисодий ақволи яхшиланади. Шу нуқтаи назардан ҳам, Ўзбекистон Украина билан эркин савдо зонаси қурса, бу олқишланадиган воқеа бўларди. Аммо, Путиннинг вассали бўлган Ислом Карим бундай қадам қилишига ишониш қийин.

Шу муносабат билан Совет замонида айтилган пропагандик ашула эсга келади:

Эй, гўзал бўстон,
Украина ва Ўзбекистон!
« Олдинги хабар Хабарлар рўйхати Кейинги хабар »